भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಅಂಗಕ

(ಪ್ರಾ) ಸಸ್ಯದ ಅಥವಾ ಪ್ರಾಣಿಯ ಕೋಶ ದೊಳಗೆ ವಿಶಿಷ್ಟ ಕಾರ್ಯ ಜರಗಿಸುವ ಒಂದು ಸೂಕ್ಷ್ಮ ಸಂರಚನೆ. ನ್ಯೂಕ್ಲಿಯಸ್, ಮೈಟೊಕಾಂಡ್ರಿಯ ಹಾಗೂ ಲೈಸೋಸೋಮ್‌ಗಳು ಅಂಗಕಗಳಿಗೆ ನಿದರ್ಶನ

ಅಂಗಚ್ಛೇದನೆ

(ವೈ) ದೇಹದ ಹೊರಭಾಗವೊಂದನ್ನು ಕತ್ತರಿಸಿ ತೆಗೆಯುವುದು. ಉದಾ: ಬೆರಳು, ತೋಳು, ಕಾಲು, ಕಿವಿ ಮುಂತಾದವನ್ನು ಛೇದಿಸುವುದು

ಅಂಗಮರ್ದನ

(ವೈ) ಚಿಕಿತ್ಸೆ ನೀಡುವ ಉದ್ದೇಶದಿಂದ ಶರೀರದ ಸ್ನಾಯುಗಳನ್ನೂ ಅಸ್ಥಿಸಂಧಿಗಳನ್ನೂ ಅವುಗಳ ಕಾರ್ಯ ಚುರುಕಾಗುವಂತೆ ಕೈಯಿಂದ ಇಲ್ಲವೇ ಸಲಕರಣೆಯಿಂದ ನೀವುವುದು, ಉಜ್ಜುವುದು, ಹಿಸುಕುವುದು ಅಥವಾ ತಟ್ಟುವುದು. ಮಾಲೀಸು. ಸಂವಾಹನ

ಅಂಗರಚನಾವಿಜ್ಞಾನ

(ಜೀ,ವೈ) ಜೀವಿಗಳ, ವಿಶೇಷವಾಗಿ ಮಾನವನ, ದೇಹರಚನೆ ಕುರಿತ ಅಧ್ಯಯನ. ಜೀವಿಗಳ ಭೌತರಚನೆ ಅರಿಯುವ ಸಲುವಾಗಿ ಅವನ್ನು ಛೇದಿಸಲಾಗುತ್ತದೆ

ಅಂಗವಿಕಾಸ

(ವೈ) ಭ್ರೂಣ ಬೆಳವಣಿಗೆಯ ಆದಿಯಲ್ಲಿ ಜೀವಕೋಶ ಹಾಗೂ ಊತಕಗಳ ವಿಭೇದನ ಪ್ರಕ್ರಿಯೆ ನಡೆದು, ಯಾವ ಜೀವಕೋಶ/ಊತಕ ಯಾವ ಅಂಗವಾಗಿ ಬೆಳೆದು ಪರಿಪೂರ್ಣ ರೂಪವನ್ನು ಪಡೆಯಬೇಕು ಎಂಬುದರ ನಿರ್ಣಯವು ಈ ಹಂತದಲ್ಲಿ ನಡೆದು, ಅದರಂತೆ ಅವು ಬೆಳೆಯುತ್ತವೆ. ಆಕೃತಿ ವಿಕಾಸ. ಅಂಗರಚನ ವಿಕಾಸ. ರೂಪವಿಕಾಸ. ರೂಪೋತ್ಪತ್ತಿ

ಅಂಗವಿಚ್ಛೇದನ

(ವೈ) ಅಂಗರಚನೆಯ ಅಧ್ಯಯನಕ್ಕಾಗಿ ಜೀವಿಯನ್ನು ಕತ್ತರಿಸುವ ಪ್ರಕ್ರಿಯೆ

ಅಂಗಾಂಶ

(ಜೀ) ನೋಡಿ : ಊತಕ

ಅಂಗಾಂಶ ಕೃಷಿ

(ಸ) ನೋಡಿ : ಊತಕ ಕೃಷಿ

ಅಂಗಾಕರ್ಷಿತ

(ಪ್ರಾ, ವೈ) ರಾಸಾಯನಿಕಗಳು, ಔಷಧಗಳು ಹಾಗೂ ಕ್ರಿಮಿಗಳು ಕೆಲವು ಸಲ ಒಂದು ನಿರ್ದಿಷ್ಟ ಅಂಗದತ್ತ ಒಲವನ್ನು ತೋರಿ ಆ ಕಡೆಯೇ ಸಾಗಿ ಅಲ್ಲಿ ಸಂಗ್ರಹ ಆಗುವಿಕೆ. ಅಂಗಸ್ನೇಹಿ

ಅಂಗಾಲು

(ಪ್ರಾ) ಉನ್ನತ ವರ್ಗದ ಪ್ರಾಣಿಗಳಲ್ಲಿ ಕಾಲಿನ ತಳಭಾಗ

ಅಂಗೀಕೃತ ಪಟ್ಟಿ

(ಭೌ) ಅಣುವಿನಲ್ಲಿ ಅಥವಾ

ಅಂಗೀಕೃತ ಸಂಕ್ರಮಣ

(ಭೌ) ಶಕ್ತಿ ಮಟ್ಟಗಳ ನಡುವೆ ಎಲೆಕ್ಟ್ರಾನ್‌ಗಳ ಸಂಕ್ರಮಣ. ಇದು ಯಾವುದೇ ಕ್ವಾಂಟಮ್ ಆಯ್ಕೆ ನಿಯಮದಿಂದ ಪ್ರತಿಬಂಧಿತವಲ್ಲದುದು. ಅನುಮತ ಸಂಕ್ರಮಣ

ಅಂಗುಲ

(ಗ) ಬ್ರಿಟಿಷ್ ಮಾನಕ ವ್ಯವಸ್ಥೆಯಲ್ಲಿ ಉದ್ದದ ಏಕಮಾನ =೧/೩೬ ಗಜ=೧/೧೨ ಅಡಿ=೦.೦೨೫೪ ಮೀ. ಇಂಚು

ಅಂಗುಲಾಸ್ಥಿ

(ಪ್ರಾ) ಕೈಯ ಅಥವಾ ಕಾಲಿನ ಬೆರಳೆಲುಬು

ಅಂಗುಲಿಗಾಮಿ

(ಪ್ರಾ) ಹಿಮ್ಮಡಿ ಊರದೆ ಬೆರಳುಗಳ ಮೇಲೆಯೇ ನಡೆಯುವ (ಪ್ರಾಣಿ). ಉದಾ: ನಾಯಿ, ಬೆಕ್ಕು, ಸಿಂಹ

ಅಂಗುಲೀಯ

(ಜೀ) ಬಿಡಿಬಿಡಿಯಾದ ಬೆರಳುಗಳಿರುವ, ಬೆರಳುಗಳಂಥ ಕವಲುಗಳಿರುವ

ಅಂಗುಸ್ತಾನ

(ತಂ) ಸೂಜೊತ್ತು. (ದರ್ಜಿಯ) ಬೆರಳ ಕಾಪು. ಅಂಗುಲಿತ್ರಾಣ

ಅಂಗುಳು

(ಜೀ) ಕಶೇರುಕಗಳಲ್ಲಿ ಬಾಯಿಯ, ಕೀಟಗಳಲ್ಲಿ ಗಂಟಲಿನ, ಮೇಲ್ಭಾಗ. ತಾಲು

ಅಂಗೋರ

(ಸಾ) ಅಂಗೋರ ನಗರದ ಮೊಲ ಅಥವಾ ಮೇಕೆಯ ಕೂದಲು ಅಥವಾ ಇದರಿಂದ ನೇಯ್ದು ತಯಾರಿಸಿದ ಮೆತ್ತನೆ ಹಾರ ಮತ್ತು ವಸ್ತ್ರ

ಅಂಗ್ಯುಲ

(ಪ್ರಾ) ಬೆರಳಿನ ತುದಿಯಲ್ಲಿರುವ ಉಗುರು, ಗೊರಸು ಅಥವಾ ಮೊನೆಯುಗುರು. ಪಂಜ

Search Dictionaries

Loading Results

Follow Us :   
  Download Bharatavani App
  Bharatavani Windows App