भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಅಚ್ಚು

(ತಂ) ಇಟ್ಟಿಗೆ ಮೊದಲಾದವನ್ನು ಮಾಡಲು ಉಪಯೋಗಿಸುವ ಅಚ್ಚುಪಟ್ಟಿ. ಬೇಕಾದ ಆಕಾರ ಬರುವಂತೆ ಕರಗಿದ ಲೋಹ ಮೊದಲಾದವನ್ನು ಹೊಯ್ದು ಆರಿಸುವ ಎರಕದ ಅಚ್ಚು. (ಭೂವಿ) ಶಿಲೆಗಳಲ್ಲಿ ಕಾಣುವ ಪಳೆಯುಳಿಕೆ, ಖನಿಜ ಅಥವಾ ಮಡ್ಡಿ ರಚನೆಗಳ ಮೂಲ ಆಕೃತಿಯ ಗುರುತು

ಅಚ್ಚೊತ್ತು

(ತಂ) ಪುಸ್ತಕದ ಮುದ್ರಣ, ಆವೃತ್ತಿ ಮತ್ತು ಮುದ್ರಣ ಪ್ರತಿಗಳ ಸಂಖ್ಯೆ; ಇದ್ದುದನ್ನೇ ಬದಲಾವಣೆಯಿಲ್ಲದೆ ಮಾಡಿದ ಪುನರ್ಮುದ್ರಣ. ಛಾಪ. (ವೈ) ದಂತ ವೈದ್ಯದಲ್ಲಿ, ಮೇಣ ಇತ್ಯಾದಿಗಳ ಮುದ್ದೆಗಳನ್ನು ಕಚ್ಚಿದಾಗ ಅದರಲ್ಲಿ ಮೂಡುವ ಹಲ್ಲುಗಳ ಗುರುತು

ಅಚ್ಚೊತ್ತು

(ಜೀ) ಜೀವಿಗಳಲ್ಲಿ ಒಂದು ನಿರ್ದಿಷ್ಟ ಅವಧಿಯಲ್ಲಿ ಪ್ರಕಟಗೊಳ್ಳುವ ಮುದ್ರಿತ ಭಾವನೆ ಅಥವಾ ನಡವಳಿಕೆ. ಈ ಅವಧಿಯನ್ನು ಸಂಕ್ರಮಣ ಕಾಲ ಎಂದು ಕರೆಯಬಹುದು. ಈ ಸಂಕ್ರಮಣವು ಕಾಲದಲ್ಲಿ ಪ್ರಭೇದದಿಂದ ಪ್ರಭೇದಕ್ಕೆ ಭಿನ್ನ. ನಡವಳಿಕೆಯೂ ವಿಶಿಷ್ಟ. ಉದಾ: ಬಾತುಕೋಳಿಯ ಮರಿಗಳು ಹುಟ್ಟಿದ ಕೆಲವು ಗಂಟೆಗಳಲ್ಲೇ ಯಾವುದೇ ಚಲಿಸುವ ವಸ್ತುವಿನ ಹಿಂದೆ ಹೋಗಲಾರಂಭಿಸುವುದು

ಅಚ್ಚೊತ್ತು

(ತಂ) ಅದಿರು ಮೊದಲಾದವನ್ನು ಪುಡಿ ಮಾಡಲು ಉಪಯೋಗಿಸುವ ಒನಕೆಯಂಥ ವಿದ್ಯುಚ್ಚಾಲಿತ ಸಾಧನ

ಅಜಮಾಸು

(ಗ) ನೋಡಿ: ಸನ್ನಿಹಿತ

ಅಜೀರ್ಣ

(ವೈ) ಸಹಜ ಪಚನಕ್ರಿಯೆಗಳಿಗೆ ಅಡ್ಡಿವುಂಟಾದ ಸಂದರ್ಭಗಳಲ್ಲಿ ಉದರದಲ್ಲಿ ತಲೆದೋರುವ ಅಸೌಖ್ಯ ಸ್ಥಿತಿ

ಅಜುರೈಟ್

(ಭೂವಿ) ತಾಮ್ರದ ಒಂದು ಅದಿರು; ತಾಮ್ರದ ಗಾಢ ನೀಲಿ ವರ್ಣದ ಜಲಯುಕ್ತ ಪ್ರತ್ಯಾಮ್ಲೀಯ ಕಾರ್ಬನೇಟ್; 2CuCO3,Cu(OH)2; ಚೆನ್ನಾಗಿ ರೂಪುಗೊಂಡ ಸ್ಫಟಿಕಗಳಾಗಿ ಇಲ್ಲವೇ ರಾಶಿ ರಾಶಿಯಾಗಿ ನೆಲದಲ್ಲಿ ಲಭ್ಯ

ಅಜೈಡ್

(ರ) -N3 ಗುಂಪನ್ನೊಳಗೊಂಡ ಸಂಯುಕ್ತ; ಸ್ಫೋಟಕಗಳಲ್ಲಿ ಉಪಯೋಗ. ಉದಾ: ಸೋಡಿಯಮ್ ಅಜೈಡ್ NaN3

ಅಜೈವಿಕ

(ಸ) ಅಜೀವ ವಸ್ತುಗಳಿಗೆ ಸಂಬಂಧಿಸಿದ. ವಿಶೇಷ ವಾಗಿ ಮಣ್ಣು, ನೀರು, ಗಾಳಿಯನ್ನು ಕುರಿತಂತೆ ಬಳಸುವ ಪದ

ಅಜೈವಿಕ ಜನನ

(ಜೀ) ಅಜೀವ ವಸ್ತುಗಳಿಂದ ಜೀವಿಗಳು ಹುಟ್ಟುವುದು. ಸ್ವಯಂಜೀವೋತ್ಪತ್ತಿ

ಅಜೋ ವರ್ಣದ್ರವ್ಯಗಳು

(ರ) ಅಜೋಬೆನ್ಝೀನ್‌ನ ವ್ಯುತ್ಪನ್ನಗಳು. ಸಾಮಾನ್ಯವಾಗಿ ಹಳದಿ, ಕೆಂಪು ಅಥವಾ ಕಂದು ಬಣ್ಣದವು. ಆಮ್ಲೀಯ/ಪ್ರತ್ಯಾಮ್ಲೀಯ ಗುಣಗಳಿಂದ ಕೂಡಿರುತ್ತವೆ

ಅಜ್ಞೇಯತೆ

(ವೈ) ಸಂವೇದನಾನುಭವ ನಷ್ಟ. ವಸ್ತುವಿನ ಸ್ವರೂಪವನ್ನು ಶರೀರದ ಇಂದ್ರಿಯಗಳ ಮೂಲಕ ಗುರುತು ಹಿಡಿಯುವ ಸಾಮರ್ಥ್ಯ ನಷ್ಟ. ಅನಭಿಜ್ಞತೆ

ಅಟ್ರೊಪೀನ್

(ವೈ) ಅಟ್ರೋಪ ಬೆಲ್ಲಡೊನ್ನ ಎಂಬ ಸಸ್ಯದಲ್ಲಿರುವ, ಡಿಎಲ್-ಟ್ರೋಪಿಲ್ ಟ್ರೋಪೇಟ್, ಟ್ರೋಪಿನ್ ಟ್ರೋಪೇಟ್ ಎಂಬ ಪರ್ಯಾಯ ನಾಮಧೇಯವುಳ್ಳ ಆಲ್ಕಲಾಯ್ಡ್. ಇದರ ರಾಸಾಯನಿಕ ಸಂಯೋಜನೆ C17H23NO7. ಇದು ಕಣ್ಣಿನ ಕನೀನಿಕೆಯನ್ನು ಹಿಗ್ಗಿಸಿ, ಕೇಂದ್ರ ನರಮಂಡಲದ ಮೇಲೆ ಶಾಮಕ ಪರಿಣಾಮವನ್ನು ಬೀರಿ, ಶ್ವಾಸನಾಳಗಳಲ್ಲಿನ ಸ್ರಾವವನ್ನು ಕುಗ್ಗಿಸಿ, ಹೃದಯ ಗತಿಯನ್ನು ಹೆಚ್ಚಿಸುವುದರಿಂದ ಶಸ್ತ್ರಕ್ರಿಯೆಯನ್ನು ಮಾಡುವ ಮೊದಲು ಅರಿವಳಿಕೆ ನೀಡುವ ಮುನ್ನ ಇದನ್ನು ಚುಚ್ಚುಮದ್ದಿನ ರೂಪದಲ್ಲಿ ನೀಡುತ್ತಾರೆ

ಅಟ್ಲಾಸ್

(ಪ್ರಾ) ತಲೆಗೆ ಆಧಾರವಾಗಿದ್ದು ಬೆನ್ನುಮೂಳೆಯ ಅಗ್ರದಲ್ಲಿರುವ ಮೂಳೆ. ಕಶೇರುವಿನ ಅಗ್ರಾಸ್ಥಿ. (ಭೂ) ಭೂಪಟ ಗಳನ್ನು ಒಳಗೊಂಡಿರುವ ಪುಸ್ತಕ, ಭೂಪಟ ಪುಸ್ತಕ

ಅಡಕ

(ಸಾ) ಗಾಢ, ಸಾಂದ್ರ, ನಿಬಿಡ

ಅಡಕೆ

(ಸ) ಅರೆಕ ಕಟಿಚು ಮರದ ಫಲ. ತವರು ಮಲೇಷ್ಯ. ಒಣಗಿದ ಹಣ್ಣಿನ ಸಿಪ್ಪೆ ಸುಲಿದಾಗ ದೊರೆಯುವ ಗಟ್ಟಿ ತಿರುಳು. ಹೋಳುಗಳಾಗಿ, ಚೂರುಗಳಾಗಿ ಮತ್ತು ಪುಡಿಯಾಗಿ ವೀಳ್ಯದೆಲೆ ಜೊತೆ ಮೆಲ್ಲಲು ಉಪಯೋಗ. ತಾಂಬೂಲದ ಅವಶ್ಯ ಅಂಗ

ಅಡಲು

(ಭೂ) ಕಡಲಿನಲ್ಲಿ ತೆಟ್ಟೆ ನೀರಿನ ಹರವನ್ನು (ಲಗೂನ್) ಸುತ್ತುವರಿದು ಬೆಳೆದಿರುವ ಹವಳದ ದಿಬ್ಬ

ಅಡಾಪ್ಟರ್

(ತಂ) ವಿಶಿಷ್ಟ ನಮೂನೆಯ ಅಥವಾ ಅಳತೆಯ ಕೊನೆಗಳಿರುವ ವಿದ್ಯುತ್ ಸಲಕರಣೆಯನ್ನು ಇನ್ನೊಂದು ನಮೂನೆಯ ಅಥವಾ ಅಳತೆಯ ವಿದ್ಯುತ್ಪೂರಣ ಬಿಂದುವಿಗೆ ಜೋಡಿಸಲು ಬಳಸುವ ಸಹಾಯಕ ಉಪಕರಣ

ಅಡಿ

(ಗ) ಬ್ರಿಟಿಷ್ ಮಾನಕ ವ್ಯವಸ್ಥೆಯಲ್ಲಿ ಉದ್ದದ ಏಕಮಾನ=೧/೩ ಗಜ=೧೨ ಇಂಚುಗಳು = ೦.೩೦೪೮ ಮೀ. ಆರಂಭದಲ್ಲಿ ಮನುಷ್ಯ ಪಾದದ ಅಳತೆಯನ್ನು ಆಧಾರವಾಗಿ ಇಟ್ಟುಕೊಂಡಿದ್ದುದರಿಂದ ಈ ಹೆಸರು

ಅಡಿಗಟ್ಟು

(ತಂ) ಹಡಗಿನ ಅಥವಾ ದೋಣಿಯ ಕಟ್ಟಣೆಗೆ ಆಧಾರವಾಗಿ, ತಳಭಾಗದಲ್ಲಿ ಉದ್ದಕ್ಕೂ ಹಾಕಿರುವ ಮರದ ದಿಮ್ಮಿ

Search Dictionaries

Loading Results

Follow Us :   
  Download Bharatavani App
  Bharatavani Windows App