भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಫ್ಲಾಕ್ಯುಲೇಶನ್

(ರ) ಸೂಕ್ಷ್ಮವಾಗಿ ವಿಭಜನೆ ಗೊಂಡಿರುವ ಅವಕ್ಷೇಪವನ್ನು ದೊಡ್ಡ ಕಣಗಳಾಗಿ ಗರಣೆ ಕಟ್ಟಿಸುವುದು. ಉದಾ: ಯಾವುದೇ ದ್ರವದಲ್ಲಿ ಪುಡಿಯನ್ನು ಇಲ್ಲವೇ ಕಲಿಲವನ್ನು ಗರಣೆ ಕಟ್ಟಿಸುವುದು

ಫ್ಲಾಜಿಸ್ಟಾನ್

(ರ) ದಹ್ಯ ಪದಾರ್ಥಗಳಲ್ಲಿ ಇರುವುದೆಂದು ಹಿಂದೆ ಊಹಿಸಿದ್ದ ಜ್ವಲನ ಧಾತು

ಫ್ಲಾಜಿಸ್ಟಾನ್ ನಿರ್ಮೂಲಿತ ವಾಯು

(ರ) ಜೋಸೆಫ್ ಪ್ರೀಸ್ಟ್‌ಲಿ (೧೭೩೩-೧೮೦೪) ಆಕ್ಸಿಜನ್‌ಗೆ ಇಟ್ಟ ಹೆಸರು. ಇತಿಹಾಸದ ದೃಷ್ಟಿಯಿಂದಷ್ಟೆ ಗಮನಾರ್ಹ

ಫ್ಲಾಪಿ ಡಿಸ್ಕ್

(ಕಂ) ಹಗುರವಾದ, ಮೆತುವಾದ, ಸುಮಾರು ೧೯ ಸೆಂಮೀ ವ್ಯಾಸದ, ಕಾಂತೀಯ ಆಕ್ಸೈಡ್ ಲೇಪವುಳ್ಳ ಪ್ಲಾಸ್ಟಿಕ್ ಫಲಕ. ವೇಗವಾಗಿ ತಿರುಗಿಸಿದಾಗ ಗಡಸಾಗಿದ್ದಂತೆ ವರ್ತಿಸುತ್ತದೆ. ಕಂಪ್ಯೂಟರ್‌ನಲ್ಲಿ ಮಾಹಿತಿ ನಮೂದನೆಗೆ ಬಳಕೆ

ಫ್ಲಿಗ್ಮೋನ್

(ವೈ) ಕೀವು ತುಂಬಿದ ಉರಿಯೂತದಿಂದ ಕೂಡಿದ ಗೆಡ್ಡೆ, ಕುರು

ಫ್ಲಿಬೈಟಿಸ್

(ವೈ) ಸಿರೆಯ ಭಿತ್ತಿಗಳ ಉರಿಯೂತ

ಫ್ಲಿಬೋಟಮಿ

(ವೈ) ವೈದ್ಯ ಚಿಕಿತ್ಸೆಗಾಗಿ ಸಿರೆಯನ್ನು ಕೊಯ್ದು ರಕ್ತ ಹೊರಹರಿಸುವುದು

ಫ್ಲೂಕ್

(ಪ್ರಾ) ೧. ಟ್ರಿಮಟೋಡ ಗುಂಪಿಗೆ ಸೇರಿದ ಹುಳುಗಳ ಹೆಸರು. ೨. ಸಿಟೇಷಿಯ (ತಿಮಿ) ಗಣಕ್ಕೆ ಸೇರಿದ ಪ್ರಾಣಿಯ (ತಿಮಿಂಗಿಲದ) ಬಾಲ

ಫ್ಲೂರೀನ್

(ರ) ಆವರ್ತಕೋಷ್ಟಕದಲ್ಲಿ ೭ನೆಯ (ಹ್ಯಾಲೊಜನ್) ಗುಂಪಿಗೆ ಸೇರಿದ ವಿಷಯುಕ್ತ ತೆಳುಹಳದಿ ಅನಿಲಧಾತು. ಪ್ರತೀಕ F. ಪಸಂ ೯; ಸಾಪರಾ ೧೮.೯೯;

ಫ್ಲೂರೈಟ್

(ರ) ಕ್ಯಾಲ್ಸಿಯಮ್ ಫ್ಲೂರೈಡ್. CaF2. ಘನಾತ್ಮಕ ವ್ಯವಸ್ಥೆಯಲ್ಲಿ ಸ್ಫಟಿಕೀಕರಣ. ಕೆಲವೊಮ್ಮೆ ನಿರ್ವರ್ಣ ಇಲ್ಲವೇ

ಫ್ಲೂರೈಡ್

(ರ) ಫ್ಲೂರೀನ್ ಧಾತು ಮತ್ತೊಂದು ಧಾತು ವಿನೊಂದಿಗೆ ಸೇರಿ ರೂಪಗೊಂಡ ದ್ವಿಸಂಯುಕ್ತ. ಹೈಡ್ರೊಫ್ಲೂರಿಕ್ ಆಮ್ಲದ ಲವಣ ಅಥವಾ ಎಸ್ತರ್. ದಂತಕ್ಷಯ ತಪ್ಪಿಸಲು ನಗರಗಳಲ್ಲಿ ಕುಡಿಯುವ ನೀರಿಗೆ ಫ್ಲೂರೈಡ್ ಲವಣ ಅಥವಾ ಎಸ್ತರ್ ಬೆರೆಸುವುದು ವಾಡಿಕೆ

ಫ್ಲೆಮಿಂಗೋ

(ಪ್ರಾ) ಸಿಕೋನೈಯಿಫಾರ್ಮೀಸ್ ಗಣದ, ಫೀನಿಕಾಪ್ಟಿರಿಡೀ ಕುಟುಂಬಕ್ಕೆ ಸೇರಿದ ಸುಂದರ ಪಕ್ಷಿ. ನಾಲ್ಕು ಮುಖ್ಯ ಪ್ರಭೇದ ಗಳಿವೆ. ಉದ್ದ ಕಾಲು, ನೀಳ ಕತ್ತು, ಬಲವಾದ ಕೊಕ್ಕು, ಗುಲಾಬಿ, ಕೆಂಪು ಮತ್ತು ಕಪ್ಪು ಗರಿಗಳುಳ್ಳ ಇದು ಉಷ್ಣವಲಯ ವಾಸಿ. ಕರಾವಳಿ ಪ್ರದೇಶ ಇದರ ನೆಚ್ಚಿನ ತಾಣ

ಫ್ಲೈಕ್ಟನ್

(ವೈ) ಕಂಜಂಕ್ಟೈವ (ಕಣ್ಣು ರೆಪ್ಪೆಯ ಒಳಮೈಯನ್ನೂ ಕಣ್ಣು ಗುಡ್ಡೆಯನ್ನೂ ಆವರಿಸಿರುವ ತೇವ ಚರ್ಮ)ದ ಮೇಲೆ ಕಾಣಿಸಿಕೊಂಡು ಕಣ್ಣಿನ ಸ್ಕ್ಲೀರ (ಬಿಳಿ ಪೊರೆ) ಮತ್ತು ಕಾರ್ನಿಯವನ್ನು ಮುಚ್ಚುವ ಊದಾ ಅಥವಾ ಹಳದಿ ವರ್ಣದ ಸಣ್ಣ ದುಂಡುಗಿನ ಗೆಡ್ಡೆ

ಫ್ಲೋಗೋಪೈಟ್

(ಭೂವಿ) ಏಕನತ ವ್ಯವಸ್ಥೆಯಲ್ಲಿ

Search Dictionaries

Loading Results

Follow Us :   
  Download Bharatavani App
  Bharatavani Windows App