भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಫೀನೈಲ್

(ರ) – C6H5 ಸೂತ್ರವಿರುವ, ಬೆನ್ಝೀನ್‌ನಲ್ಲಿ ಒಂದು ಹೈಡ್ರೊಜನ್ ಪರಮಾಣು ತೆಗೆದಾಗ ದೊರಕುವ ಏಕವೇಲೆನ್ಸೀಯ ರ‍್ಯಾಡಿಕಲ್

ಫೀಮರ್

(ವೈ) ಕಶೇರುಕಗಳ ತೊಡೆ ಮೂಳೆ, ಕೀಟಗಳಲ್ಲಿ ಕಾಲಿನ ಮೂರನೇ ಕೀಲು. ಊರ್ವಸ್ಥಿ

ಫೀಲೈನ್

(ಪ್ರಾ) ಫೀಲಿಸ್ ಜಾತಿಗೆ ಸೇರಿದ (ಪ್ರಾಣಿ) ಹುಲಿ, ಸಿಂಹ, ಕಾಡು ಬೆಕ್ಕು, ಸಾಕು ಬೆಕ್ಕು ಇತ್ಯಾದಿ. ಇವುಗಳಿಗೆ ಮುಂಗಾಲಿನಲ್ಲಿ ಐದು, ಹಿಂಗಾಲಿನಲ್ಲಿ ನಾಲ್ಕು ಬೆರಳುಗಳುಂಟು. ಬೆರಳುಗಳ ತುದಿಯಲ್ಲಿ ಹರಿತ ಪಂಜಗಳಿವೆ

ಫುಪ್ಪುಸ ಮೀನು

(ಪ್ರಾ) ಡಿಪ್‌ನಾಯ್ ಕುಟುಂಬಕ್ಕೆ ಸೇರಿದ ಮೀನುಗಳ ಸಾಮಾನ್ಯ ಹೆಸರು. ಕಿವಿರುಗಳೊಂದಿಗೆ ಶ್ವಾಸಕೋಶ ವನ್ನೂ ಹೊಂದಿರುವುದು ಇವುಗಳ ವೈಶಿಷ್ಟ್ಯ

ಫುಪ್ಪುಸದ ಕುಸಿತ

(ಜೀ) ಶ್ವಾಸಕೋಶದ ಒಳಗೆ ವಾಯು ಇಲ್ಲದಾಗ ಸಂಭವಿಸುವ ಪತನ

ಫುಲ್ಲರೀನ್

(ರ) ಕಾರ್ಬನ್ನಿನ ಬಹುರೂಪ. ಗ್ರಾಫೈಟ್‌ನ ಮಾದರಿಯಲ್ಲಿಯೇ sp2 ಸಂಕರವನ್ನು ಪಡೆದಿದೆ. ಗ್ರಾಫೈಟಿನಲ್ಲಿ ಕಾರ್ಬನ್ ಜಾಲ ಪದರುಗಳಾಗಿ ಜೋಡಣೆಯಾಗಿರುವುದು. ಆದರೆ ಫುಲ್ಲರೀನ್ ಗೋಲಾಕೃತಿಯದು. ಕಾರ್ಬನ್‌ಗಳ ಸಂಖ್ಯೆ ೬೦, ೮೭ ಇತ್ಯಾದಿ

ಫೆನೆರೊಕ್ರಿಸ್ಟಲೈನ್

(ಭೂವಿ) ಎಲ್ಲ ಅಗತ್ಯ ಖನಿಜ ಗಳ ಸ್ಫಟಿಕಗಳು ಬರಿಗಣ್ಣಿಗೇ ಕಾಣುವಂತೆ ರಚನೆಗೊಂಡ ಅಗ್ನಿಶಿಲೆ

ಫೆರೊಮೋನ್‌ಗಳು

(ಜೀ) ಜೀವಿ ಸ್ರವಿಸುವ ರಾಸಾಯನಿಕ ಪದಾರ್ಥ. ಇದು ಅದೇ ಪ್ರಭೇದದ ಇತರ ಜೀವಿಗಳ ಮೇಲೆ ಪ್ರಭಾವ ಬೀರುತ್ತದೆ. ಉದಾ: ಜೇನು ನೊಣಗಳಲ್ಲಿ ರಾಣಿಜೇನು ಸ್ರವಿಸುವ ಪದಾರ್ಥ

ಫೆರ್ರಸ್

(ರ) ಎರಡು ವೇಲೆನ್ಸಿಯ ಕಬ್ಬಿಣವನ್ನು ಒಳಗೊಂಡಿರುವ ಸಂಯುಕ್ತ ವಸ್ತು. ಉದಾ : FeCl2

ಫೆರ್ರಿಕ್

(ರ) ಮೂರು ವೇಲೆನ್ಸಿಯ ಕಬ್ಬಿಣವನ್ನೊಳ ಗೊಂಡಿರುವ ಸಂಯುಕ್ತ. ಫೆರ್ರಿಕ್ ಲವಣಗಳು ಸಾಮಾನ್ಯವಾಗಿ ಹಳದಿ ಅಥವಾ ಕಂದು ಬಣ್ಣದವು. ಉದಾ: ಫೆರ್ರಿಕ್ ಬ್ರೊಮೈಡ್ FeBr3, ಫೆರ್ರಿಕ್ ಕ್ಲೊರೈಡ್ FeCI3

ಫೆರ್ರಿಟಿನ್

(ಜೀ) ಗುಲ್ಮ ಮತ್ತು ಯಕೃತ್ತುಗಳಲ್ಲಿರುವ ಕಬ್ಬಿಣವನ್ನೊಳಗೊಂಡ ಪ್ರೋಟೀನ್. ನಮ್ಮ ದೇಹದ ಕಬ್ಬಿಣದ ಕಾಪು ಸಂಗ್ರಹ. ಇದರ ಕೇಂದ್ರದಲ್ಲಿರುವ ಕಬ್ಬಿಣದ ದಿಂಡು ಎಲೆಕ್ಟ್ರಾನ್ ಸೂಕ್ಷ್ಮದರ್ಶಕಕ್ಕೆ ಗೋಚರಲಭ್ಯವಾಗಿರುವುದರಿಂದ ಫೆರ್ರಿಟಿನ್‌ಅನ್ನು ಪ್ರೋಟೀನ್‌ಗಳ ಸ್ಥಳೀಕರಣದಲ್ಲಿ ಒಂದು ಕುಣಿಕೆಬಂಧವಾಗಿ ಬಳಸಲು ಸಾಧ್ಯವಿದೆ

ಫೆರ್ರೊಕಾಂತೀಯ

(ಭೌ) ಸಾಪೇಕ್ಷ ಕಾಂತೀಯ ವ್ಯಾಪ್ಯತೆ ೧ಕ್ಕಿಂತ ಬಹಳ ಹೆಚ್ಚಾಗಿರುವುದರಿಂದ ಬಲು ಶೀಘ್ರ ಕಾಂತೀಕರಣಗೊಳ್ಳಬಲ್ಲಂಥ (ವಸ್ತುಗಳು). ಉದಾ: ಕಬ್ಬಿಣ

ಫೆರ್ರೊಟೈಪ್

(ತಂ) ಛಾಯಾಚಿತ್ರೀಕರಣದಲ್ಲಿ ಕಲ್ಲೋಡಿಯನ್ನನ್ನು ಲೇಪನವಾಗಿ ಬಳಸಿ ತೆಳುವಾದ ಕಬ್ಬಿಣದ ಫಲಕದ ಮೇಲೆ ಮೂಡಿಸಿದ ಧನ ಚಿತ್ರ

ಫೆಲ್ಡ್‌ಸ್ಪಾರ್

(ಭೂವಿ) ಶಿಲಾರೂಪಕ ಖನಿಜಗಳಲ್ಲಿ ಒಂದು. ಅಗ್ನಿಶಿಲೆಗಳಲ್ಲಿ ಲಭ್ಯ. ಮುಖ್ಯತಃ ಸೋಡಿಯಮ್, ಕ್ಯಾಲ್ಸಿಯಮ್ ಮತ್ತು ಪೊಟ್ಯಾಸಿಯಮ್ ಸಿಲಿಕೇಟ್

ಫೆಲ್ಸೈಟ್

(ಭೂವಿ) ಆಮ್ಲ ಸಂರಚನೆಯ ಸೂಕ್ಷ್ಮಕಣಗಳ ಅಗ್ನಿಶಿಲೆ. ಶಿಲಾರಸಗಳಲ್ಲಿ/ಲಘು ಅಂತಸ್ಸರಣಗಳಲ್ಲಿ ಲಭ್ಯ

ಫೇಜ್

(ಪ್ರಾ) ಬ್ಯಾಕ್ಟೀರಿಯದ ಒಳಗೆ ಪರೋಪಜೀವಿ ಯಾಗಿದ್ದುಕೊಂಡು ಅದಕ್ಕೆ ಸೋಂಕು ತರುವ ವೈರಸ್. ಬೇಗ ಸಂಖ್ಯೆ ಹೆಚ್ಚಿಸಿಕೊಂಡು ಆತಿಥೇಯದ ಕೋಶಗಳನ್ನು ನಾಶಗೊಳಿಸುತ್ತದೆ. ಅದರ ನ್ಯೂಕ್ಲಿಯಿಕ್ ಆಮ್ಲ ಆತಿಥೇಯದ ನ್ಯೂಕ್ಲಿಯಿಕ್ ಆಮ್ಲದೊಂದಿಗೆ ಬೆರೆತು ಅದರ ಸಂಖ್ಯೆ ಹೆಚ್ಚುತ್ತ ಹೋಗುತ್ತದೆ. ನೋಡಿ: ಬ್ಯಾಕ್ಟೀರಿಯ ಭಕ್ಷಿ

ಫೈಕೊಕ್ರೋಮ್

(ಜೀ) ನೀಲ-ಹಸಿರು ಶೈವಲದಲ್ಲಿ ಇರುವ ವರ್ಣದ್ರವ್ಯ. ಹರಿತ್ತು, ಫೈಕೊಸಿಯಾನಿನ್ ಹಾಗೂ ಫೈಕೊಎರಿಥ್ರಿನ್‌ಗಳಿಂದ ರೂಪಿತ

ಫೈಟಿಕ್ ಆಮ್ಲ

(ರ) C6H6(PO4H2)6 ರಾಸಾಯನಿಕ ಸೂತ್ರದ ಈ ಆಮ್ಲ ಮುಖ್ಯವಾಗಿ ಧಾನ್ಯಗಳ ಹೊರಭಾಗದಲ್ಲಿ ಇರುವುದು. ಇದು Ca, Fe ಮತ್ತು Mgಗಳೊಂದಿಗೆ ಅವಿಲೇಯ ಲವಣಗಳನ್ನು ಉಂಟುಮಾಡುತ್ತದೆ

ಫೈಟೊಕ್ರೋಮ್

(ಸ) ಅನೇಕ ಸಸ್ಯಾಂಗಗಳಲ್ಲಿ ಸಣ್ಣ ಪ್ರಮಾಣಗಳಲ್ಲಿರುವ ಪ್ರೋಟೀನ್ ಆಧಾರಿತ ಸಸ್ಯ ವರ್ಣದ್ರವ್ಯ. ಇದು ಬೀಜ, ಮೊಳಕೆ, ಹೂ ಬಿಡುವುದು ಮೊದಲಾದ ಅನೇಕ ಪ್ರಕ್ರಿಯೆಗಳನ್ನು ನಿಯಂತ್ರಿಸುತ್ತದೆ

ಫೈಟೊಸಿಸ್

(ವೈ) ಶಿಲೀಂಧ್ರದಿಂದಾದ ಚರ್ಮದ ಉರಿಯೂತ

Search Dictionaries

Loading Results

Follow Us :   
  Download Bharatavani App
  Bharatavani Windows App