भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

< previous12345678Next >

ಎಂ.ಕೆ.ಎಸ್. ಪದ್ಧತಿ MKS

(ಭೌ) ದೀರ್ಘತೆ (ಉದ್ದ), ದ್ರವ್ಯರಾಶಿ ಹಾಗೂ ಕಾಲವನ್ನು ಅಳೆಯಲು ಎ. ಗಿಯೋರ್ಗಿ ೧೯೦೧ರಲ್ಲಿ ಸಿಜಿಎಸ್ ಪದ್ಧತಿಯನ್ನು ಆಧರಿಸಿ ನಿರ್ಮಿಸಿದ ಮತ್ತು ಅಂತರರಾಷ್ಟ್ರೀಯ ವಿದ್ಯುತ್ ತಾಂತ್ರಿಕ ಆಯೋಗ ಅಂಗೀಕರಿಸಿದ ಮೀಟರ್-ಕಿಲೋಗ್ರಾಮ್-ಸೆಕೆಂಡ್‌ಗಳ ಮೆಟ್ರಿಕ್‌ಮಾನ ವ್ಯವಸ್ಥೆ. ೧೯೬೦ರಲ್ಲಿ ಇದಕ್ಕೆ ವಿದ್ಯುತ್ ಪ್ರವಾಹದ ಮಾನ ‘ಆಂಪೇರ್’ನ್ನು ಸೇರಿಸಲಾಯಿತು. ತದನಂತರ ಇದನ್ನು ಎಂಕೆಎಸ್‌ಎ ವ್ಯವಸ್ಥೆ ಎನ್ನಲಾಗುತ್ತಿದೆ

ಎಂಎಚ್‌ಡಿ

(ಭೌ) ನೋಡಿ: ಕಾಂತದ್ರವಬಲ ವಿಜ್ಞಾನ

ಎಎಂಯು

(atomic mass unit) (ಭೌ) ಪರಮಾಣು ರಾಶಿ ಏಕಮಾನದ ಸಂಕ್ಷಿಪ್ತ ರೂಪ

ಎಎಸ್‌ಸಿಐಐ ASCII

(ಕಂ) ನೋಡಿ: ಪ್ರತೀಕ ಸಂಕೇತ

ಎಕಪ್ನಿಯ

(ವೈ) ಅಕ್ಷರಶಃ ‘ಧೂಮರಹಿತ’, ಅಂದರೆ ಕಾರ್ಬನ್ ಡೈಆಕ್ಸೈಡ್ ಇರದ ಸ್ಥಿತಿ ಎಂದಾಗುತ್ತದೆ. ಆದರೆ ಇದೊಂದು ತಪ್ಪು ಬಳಕೆ. ವಾಸ್ತವವಾಗಿ ರಕ್ತದಲ್ಲಿ ಸಹಜ ಪ್ರಮಾಣಕ್ಕಿಂತ ಕಡಿಮೆ ಇರುವ ಕಾರ್ಬನ್ ಡೈಆಕ್ಸೈಡ್ ಸ್ಥಿತಿಯನ್ನು ಸೂಚಿಸಲು ಈ ಶಬ್ದವನ್ನು ಬಳಸಲಾಗುತ್ತದೆ

ಎಕರೆ

(ಭೂ) ವಿಸ್ತೀರ್ಣದ ಒಂದು ಮಾನ = ೧೦ ಚದರ ಚೈನ್‌ಗಳು (೧ ಚೈನ್ = ೬೬ ಅಡಿಗಳು) ಅಥವಾ ೪೮೪೦ ಚದರ ಗಜಗಳು = ೦.೪೦೪೭ ಹೆಕ್ಟೇರ್ = ಸುಮಾರು ೪೦೫೦ ಚದರ ಮೀ

ಎಕಿಮೋಸಿಸ್

(ವೈ) ಚರ್ಮದ ಕೆಳಗೆ ಅಥವಾ ಲೋಳೆಪೊರೆಯಡಿಯಲ್ಲಿ ರಕ್ತಸ್ರಾವವಾಗಿ, ಊದಿಕೊಂಡು, ಚರ್ಮದ ಮೇಲೆ ರೂಪುಗೊಳ್ಳುವ ಊದಾ ಬಣ್ಣದ ಕಲೆ

ಎಕೊಸೌಂಡರ್

(ಸಾ) ಸಾಗರ ತಳಕ್ಕೆ ಪ್ರೇಷಿಸಿದ ಧ್ವನಿ ಪ್ರತಿಧ್ವನಿಯಾಗಿ ಮರಳುವವರೆಗಿನ ಅವಧಿಯನ್ನು ದಾಖಲಿಸಿ ಸಾಗರದ ಆಳವನ್ನು ಕಂಡುಹಿಡಿಯುವ ಸಾಧನ. ಸಾಗರಾಂತರ್ಗತ ವಸ್ತುಗಳ ಬಗೆಗಿನ ವಿವರಗಳನ್ನು ಇದರಿಂದ ತಿಳಿಯಬಹುದು. ಪ್ರತಿಧ್ವನಿ ಗಭೀರತಾಮಾಪಕ

ಎಕ್ಕಿದ ದಾರ

(ತಂ) ಎಕ್ಕುವ ಸಲಕರಣೆಯಿಂದ ಹಿಂಜಿ ನೂತ ದಾರ

ಎಕ್ಕಿದ ಹತ್ತಿ

(ತಂ) ಮೆತ್ತೆ , ಹಾಸಿಗೆಗಳಿಗೆ ಬಳಸುವ ಹತ್ತಿ. (ವೈ) ಶಸ್ತ್ರಚಿಕಿತ್ಸೆ, ಅಂಗ ಪ್ರಸಾದನಗಳಲ್ಲಿ ಬಳಸುವ ಸಂಸ್ಕರಿಸಿದ ಹತ್ತಿ

ಎಕ್ಕುವುದು

(ತಂ) ನೇಯುವ ಮುನ್ನ ಹತ್ತಿ ಉಣ್ಣೆ ಮೊದಲಾದವನ್ನು ಹಣಿಗೆ ಮೂಲಕ ಹಾಯಿಸಿ ಎಳೆಗಳ ಗೋಜಲನ್ನು ಚೊಕ್ಕಗೊಳಿಸಿ ಬಿಡಿ ಎಳೆಗಳಾಗಿ ವಿಂಗಡಿಸುವುದು

ಎಕ್‌ಬಾಲಿಕ್

(ವೈ) ಗರ್ಭಾಶಯವನ್ನು ಪ್ರಬಲವಾಗಿ ಸಂಕುಚಿಸಿ ಪ್ರಸವ/ಗರ್ಭಸ್ರಾವವನ್ನು ತ್ವರೆಗೊಳಿಸುವ ಔಷಧ ವಸ್ತು

ಎಕ್ಸಾಲ್ಟೇಶನ್

(ಭೌ) ಸಂಯುಕ್ತವೊಂದರ ಅಣು ರಚನೆಯಲ್ಲಿ ವೈಪರೀತ್ಯದಿಂದಾಗಿ ಪ್ರಕಟವಾಗುವ ಅಸಾಮಾನ್ಯ ಉಚ್ಚ ವಕ್ರೀಭವನ

ಎಕ್ಸೊಪ್ತಾಲ್ಮಿಯ

(ವೈ) ಕಣ್ಣು ಗುಡ್ಡೆ ಅಸಹಜವಾಗಿ ಹೊರಹೊಮ್ಮಿರುವುದು ಅಥವಾ ಉಬ್ಬಿರುವುದು

ಎಕ್ಸೋಪತಿಕ್

(ವೈ) ಹೊರಗಿನ ಯಾವುದೇ ಕಾರಣ ದಿಂದಾಗಿ ದೇಹದಲ್ಲಿ ಉಂಟಾದ (ರೋಗ)

ಎಕ್ಸ್‌ಟ್ರಿನ್ಸಿಕ್

(ಭೌ) ಮಲಿನ ಪದಾರ್ಥಗಳಿಂದಾಗಿ ವಿದ್ಯುತ್‌ವಹನ ಗುಣಗಳನ್ನು ಪಡೆಯುವ (ಅರೆವಾಹಕಗಳು). (ಪ್ರಾ) ಕಶೇರುಕಗಳಲ್ಲಿ ಮುಂಡದಿಂದ ನಡುಕಟ್ಟಿನವರೆಗೆ ಹಬ್ಬಿರುವ (ಅನುಬಂಧಿತ ಸ್ನಾಯು). ಬಹಿಸ್ಥ

ಎಕ್ಸ್‌ಪ್ಲಾಂಟೇಶನ್

(ಜೀ) ಜೀವಂತ ಊತಕ ಅಥವಾ ಅಂಗದಿಂದ ಹೊರತೆಗೆದ ಒಂದು ಭಾಗವನ್ನು ಕೃತಕ ಮಾಧ್ಯಮದಲ್ಲಿ ಬೆಳೆಸುವುದು. ಕರ್ತೋತಕ. ಹೊರನಾಟಿ

ಎಕ್ಸ್‌ಹಲೇಶನ್

(ಭೂವಿ) ವಿಕಿರಣಪಟು ಧಾತುಗಳ ಕ್ಷಯದಿಂದುಂಟಾದ ವಿಕಿರಣಪಟು ಅನಿಲಗಳು ಮಣ್ಣಿನ/ಸಡಿಲ ಬಂಡೆ ಮೇಲ್ಮೈಯಿಂದ ನಿರ್ಗಮನ (ವೈ) ನಿಶ್ವಾಸ, ಬಿಟ್ಟ ಉಸಿರು

ಎಚ್ಚು

(ತಂ) ಲೋಹ, ಕಲ್ಲು ಅಥವಾ ಗಾಜನ್ನು ಕೊರೆಯ ಬಲ್ಲ ಶಕ್ತಿಯುಳ್ಳ ಆಮ್ಲದಂಥ ರಾಸಾಯನಿಕ ಪದಾರ್ಥವನ್ನು ಬಳಸಿ ಕೊಂಡು ಆ ವಸ್ತುಗಳ ಮೇಲ್ಮೈ ಮೇಲೆ ಚಿತ್ರ ಕೊರೆಯುವ ತಂತ್ರ

ಎಂಜಿನಿಯರಿಂಗ್

(ತಂ) ತಂತ್ರವಿದ್ಯೆ ಕುರಿತ ಅಧ್ಯಯನ. ನಿಸರ್ಗದಲ್ಲಿಯ ವಸ್ತುಗಳ ಗುಣಗಳನ್ನೂ ಶಕ್ತಿ ಆಕರಗಳನ್ನೂ ಮಾನವನ ಉಪಯೋಗಕ್ಕಾಗಿ ವಿವಿಧ ರಚನೆ, ಯಂತ್ರ ಹಾಗೂ ಉತ್ಪನ್ನಗಳಲ್ಲಿ ಬಳಸುವುದರ ಅಧ್ಯಯನ
< previous12345678Next >

Search Dictionaries

Loading Results

Follow Us :   
  Download Bharatavani App
  Bharatavani Windows App