भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಎಂಜಿನ್

(ತಂ) ಶಕ್ತಿಯನ್ನು ಊಡಿ ಕಾರ್ಯ ಮಾಡಲು ಬಳಸುವ ಯಾಂತ್ರಿಕ ಸಾಧನ. ಉದಾ: ಉಷ್ಣ ಶಕ್ತಿಯನ್ನು ಯಾಂತ್ರಿಕ ಶಕ್ತಿಯಾಗಿ ಮಾರ್ಪಡಿಸುವ ಸಾಧನ

ಎಂಜೈಮ್ ವಿಜ್ಞಾನ

(ರ) ನೋಡಿ: ಕಿಣ್ವ ವಿಜ್ಞಾನ

ಎಂಟರೊಪೆಪ್ಟಿಡೇಸ್

(ವೈ) ಸಣ್ಣ ಕರುಳಿನ ಮೇಲ್ಭಾಗದಲ್ಲಿ ಲೋಳೆಯಂತಿರುವ ಒಂದು ಕಿಣ್ವ. ಇದು ಪ್ಯಾಂಕ್ರಿಯಾಸ್ ಉತ್ಪಾದಿಸುವ ಟ್ರಿಪ್ಸಿನೊಜೆನ್ ಎಂಬುದು ಟ್ರಿಪ್ಸಿನ್ (ಮೇದೋಜೀರಕ ರಸದ ಮುಖ್ಯ ಜೀರಕ ಕಿಣ್ವ) ಆಗಿ ಪರಿವರ್ತನೆ ಆಗುವುದನ್ನು ಚುರುಕುಗೊಳಿಸುತ್ತದೆ

ಎಂಟೆರೋಸೆಪ್ಸಿಸ್

(ವೈ) ಕರುಳಿನಲ್ಲಿ ಬ್ಯಾಕ್ಟೀರಿಯಾ ದಿಂದ ಉಂಟಾಗುವ ನಂಜು/ಕೀವು. ಕರುಳುನಂಜು

ಎಂಟೆರೋಸ್ಟೋಮಿ

(ವೈ) ಕರುಳಿನಲ್ಲಿರುವ ಪದಾರ್ಥಗಳನ್ನು ವಿಸರ್ಜಿಸಲೋಸುಗ ಕರುಳಿಗೆ ಶಸ್ತ್ರಕ್ರಿಯೆಯಿಂದ ರಚಿಸಿದ ರಂಧ್ರ. ಕರುಳರಂಧ್ರ

ಎಂಟೆಲಿಕಿ

(ಜೀ) ಜೀವಚೈತನ್ಯವಾದದ ಪ್ರಕಾರ ಜೀವಿಗಳಲ್ಲಿ ಅಂತರ್ಗತವಾಗಿದ್ದು ಅವುಗಳ ಅಭಿವರ್ಧನೆಯನ್ನು ನಿಯಂತ್ರಿಸುವ ಬಲ. ಅರಿಸ್ಟಾಟಲ್ ಸಿದ್ಧಾಂತದ ಪ್ರಕಾರ ಅಂತಃಶಕ್ತಿಯ ಪರಿಪೂರ್ಣತಾ ಸಿದ್ಧಿ

ಎಂಟ್ರಪಿ

(ಭೌ) ೧. ಒಂದು ವ್ಯೂಹದಲ್ಲಿಯ ಉಷ್ಣಶಕ್ತಿ ಯನ್ನು ಯಾಂತ್ರಿಕ ಶಕ್ತಿಯಾಗಿ ಮಾರ್ಪಡಿಸುವಲ್ಲಿ ಕಾರ್ಯಕ್ಕೆ ಒದಗಿ ಬರದ ಶಕ್ತಿಯ ಪರಿಮಾಣ. ಜಡೋಷ್ಣ ೨. ಅಣು, ಪರಮಾಣು ಮತ್ತಿತರ ಕಣಗಳ ಸಮೂಹ ಅಡ್ಡಾದಿಡ್ಡಿಯಾಗಿ ಚಲಿಸುತ್ತಿರುವಾಗಿನ ಚಲನೆಯ ಪರಿಮಾಣ. (ಗ) ಸಂದೇಶ ಮೊದಲಾದವುಗಳಲ್ಲಿನ ಮಾಹಿತಿ ರವಾನೆಯಾಗುವ ಪ್ರಮಾಣ, ದರ

ಎಂಡಾರ್ಚ್

(ಸ) ದಾರುವಿನ ಒಂದು ಬಗೆ. ಇದರಲ್ಲಿ ಅಕ್ಷಕೇಂದ್ರದ ಸಮೀಪದಲ್ಲಿ ಇರುವುದು ಆದಿಮದಾರು.

ಎಂಡಾಸ್ಮೋಸಿಸ್

(ಸ) ನಾಳದ ಹೊರಗಿನಿಂದ ಒಳಕ್ಕೆ ಪರಾಸರಣ ಕ್ರಿಯೆ. ಅರೆಪಾರಕ ಪೊರೆಯ ಮೂಲಕ ದ್ರವ ಹೊರಗಡೆಯಿಂದ ಒಳಗಡೆಗೆ ಜಿನುಗುವುದು. ಅಂತಃಪರಾಸರಣ

ಎಡಿಪಿ ADP

(ಕಂ) ನೋಡಿ : ಸ್ವಚಾಲಿತ ದತ್ತಸಂಸ್ಕರಣೆ

ಎಂಡೈಸಿಸ್

(ಪ್ರಾ) ಪ್ರಾಣಿ ಅಭಿವರ್ಧನೆಯಲ್ಲಿ ನಿರ್ಮೋಚನ ಕ್ರಿಯೆಯಿಂದ ಹೊರಪೊರೆ ವಿಸರ್ಜಿಸಲ್ಪಟ್ಟು ಅಲ್ಲಿ ಹೊಸ ಪೊರೆ ಮೈದಳೆಯುವ ಕ್ರಿಯೆ

ಎಂಡೊಟ್ರೋಫಿಕ್

(ಜೀ) ಆಂತರಿಕವಾಗಿ ಪೋಷಣೆ ಪಡೆಯುವ; ಆತಿಥೇಯ ಸಸ್ಯದ ಬೇರಿನ ತೊಗಟೆ ಮೇಲೆ ಪರೋಪಜೀವಿಯಾಗಿ ಬೆಳೆಯುವ ಕೆಲವು ಬೂಷ್ಟುಗಳಿಗೆ ಅನ್ವಯ. ಪರಾಂತಃಪೋಷಿತ

ಎಂಡೊಥೀಲಿಯಮ್

(ಜೀ) ಕುಹರಕ್ಕೆ ಅಸ್ತರಿಯಾಗಿ, ಮೇಲ್ಮೈಯ ಆವರಣವಾಗಿ, ಸಾಮಾನ್ಯವಾಗಿ ಸ್ರಾವಕವಾಗಿಯೂ, ಇರುವ ಕೋಶಗಳ ಅತಿ ತೆಳುಪದರ. (ವೈ) ಹೃದಯ ಮತ್ತು ರಕ್ತನಾಳಗಳನ್ನು ಅಸ್ತರಿಸಿರುವ ಕೋಶ ಪದರ: ಅಂತಃಸ್ತರ

ಎಂಡೊಥೀಸಿಯಮ್

(ಸ) ಅಪ್ರಬುದ್ಧ ಪರಾಗಾಶಯದ ಮೂರು ಪದರಗಳ ಪೈಕಿ ನಡುವಿನದು; ಪ್ರಬುದ್ಧ ಪರಾಗಾಶಯದ ಆಂತರಿಕ ಪದರ

ಎಂಡೊಪ್ಲಾಸ್ಮ್

(ಜೀ) ಜೀವಂತಕೋಶಗಳ ಜೀವ ದ್ರವ್ಯಗಳ ಕೇಂದ್ರಭಾಗ. ಸೂಕ್ಷ್ಮಕಣಗಳಿಂದಾಗಿದೆ. ಸಾಧಾರಣ ವಾಗಿ ಇದರ ತರಲತೆ ಬಹಿರ್‌ದ್ರವ್ಯದ ತರಲತೆಗಿಂತ ಹೆಚ್ಚು. ನೋಡಿ : ಪ್ರೋಟೊಪ್ಲಾಸ್ಮ್. ಜೀವದ್ರವ್ಯ

ಎಂಡೊಫೈಟ್

(ಸ) ಯಾವುದೇ ಸಸ್ಯದೊಳಗೆ ಬೆಳೆದಿರುವ ಆದರೆ ಪರೋಪಜೀವಿಯಲ್ಲದ ಇನ್ನೊಂದು ಸಸ್ಯ. ಅಂತಸ್ಸಸ್ಯ. ಒಳಸಸ್ಯ

ಎಂಡೊಮಾರ್ಫಿಸಮ್

(ಭೂವಿ) ನಾಡ ಶಿಲೆಯನ್ನು ಅಥವಾ ಅದರ ತುಣುಕುಗಳನ್ನು ಅಗ್ನಿಶಿಲೆಯು ಆಂಶಿಕವಾಗಿ ಇಲ್ಲವೇ ಪೂರ್ಣವಾಗಿ ಕಬಳಿಸಿದಾಗ ಅಗ್ನಿಶಿಲೆಯಲ್ಲಿ ಸಂಭವಿಸುವ ಬದಲಾವಣೆಗಳು

ಎಂಡೊಮೆಟ್ರಿಯಮ್

(ಪ್ರಾ) ಗರ್ಭಾಶಯದ ಒಳಮೈಯನ್ನು ಆವರಿಸಿರುವ ಲೋಳೆಪೊರೆ

ಎಂಡೊಲಿಂಫ್

(ವೈ) ಕಶೇರುಕಗಳ ಶ್ರವಣ ನಾಳಗಳಲ್ಲಿ ತುಂಬಿರುವ ಪಾರಕ, ನಸು ಹಳದಿ ದ್ರವ. ಕರ್ಣಾಂತರ್ದ್ರವ

ಎಂಡೊಸ್ಕೆಲಿಟಿನ್

(ಪ್ರಾ) ಕಾರ್ಡೇಟದ ಉಪ ವಿಭಾಗವಾದ ಕ್ರೇನಿಯೇಟ ಅಥವಾ ವರ್ಟಿಬ್ರೇಟದಲ್ಲಿ ದೇಹದ ಒಳಗಿನ ಅಸ್ಥಿಪಂಜರ. ಮೃದ್ವಸ್ಥಿಯಿಂದ ರೂಪಿತವಾಗಿದೆ. ದೇಹಕ್ಕೆ ಆಧಾರವನ್ನು ಒದಗಿಸುತ್ತದೆ. ಅಂತರಸ್ಥಿಪಂಜರ

Search Dictionaries

Loading Results

Follow Us :   
  Download Bharatavani App
  Bharatavani Windows App