भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಉಷ್ಣ ಸಂದೀಪ್ತಿ

(ಭೌ) ಅಯಾನೀಕಾರಕ ವಿಕಿರಣಕ್ಕೆ ಒಡ್ಡಿದುದರ ಪರಿಣಾಮವಾಗಿ ಘನ ಪದಾರ್ಥದೊಳಗೆ ಸೆರೆಹಿಡಿಯಲ್ಪಟ್ಟಿದ್ದ ಮುಕ್ತ ಎಲೆಕ್ಟ್ರಾನ್‌ಗಳು ಆ ಪದಾರ್ಥದ ಉಷ್ಣತೆ ಯನ್ನು ಹೆಚ್ಚಿಸಿದಾಗ, ಪರಸ್ಪರ ಒಂದುಗೂಡಿ ಆಗುವ ಫೋಟಾನ್ ಗಳ ಉತ್ಸರ್ಜನೆ. ಪಳೆಯುಳಿಕೆಗಳ ಕಾಲ ನಿರ್ಧಾರದಲ್ಲಿ ಬಳಕೆ

ಉಷ್ಣ ಸಂವಹನ

(ರ) ಉಷ್ಣಶಕ್ತಿ ಸಂಗ್ರಹ ಆಗಿರುವ ವಸ್ತು (ಅನಿಲ ಅಥವಾ ದ್ರವ) ಒಂದು ನೆಲೆಯಿಂದ ಇನ್ನೊಂದು ನೆಲೆಗೆ ವಾಸ್ತವ ಭೌತ ಚಲನೆಯ ಮೂಲಕ ಸಾಗಿದಾಗ ಆಗುವ ಉಷ್ಣ ವರ್ಗಾವಣೆ

ಉಷ್ಣ ಸಂಸ್ಕರಣೆ

(ತಂ) ಲೋಹ, ಮಿಶ್ರ ಲೋಹ ಮುಂತಾದ ಪದಾರ್ಥಗಳಿಗೆ ಉದ್ದಿಷ್ಟ ಗುಣಗಳನ್ನು ನೀಡಲು ಅವನ್ನು ಪರ್ಯಾಯವಾಗಿ ಕಾಸುವ ಹಾಗೂ ತಂಪು ಮಾಡುವ ಕ್ರಿಯೆಗೆ ಒಳಪಡಿಸುವುದು

ಉಷ್ಣಕಾರಿ

(ತಂ) ತೊಟ್ಟಿಯಲ್ಲಿ ಮುಳುಗಿಸಿರುವ ಸುರುಳಿ ನಾಳದ ಮೂಲಕ ಹಬೆ ಹಾಯಿಸಿ ದ್ರವವನ್ನು ಕಾಸುವ ಉಪಕರಣ. ಕ್ಯಾಲೊರಿಕಾರಿ

ಉಷ್ಣಚಿಕಿತ್ಸೆ

(ವೈ) ಶಾಖವನ್ನು ವಿವಿಧ ರೂಪಗಳಲ್ಲಿ ಬಳಸಿ ಚಿಕಿತ್ಸೆ ನೀಡುವಿಕೆ. ಬಿಸಿ ನೀರಿನ ಶಾಖ, ಬಿಸಿ ಉಪ್ಪಿನ ಶಾಖ, ಬಿಸಿ ಅನ್ನದ ಶಾಖ ಇತ್ಯಾದಿಗಳನ್ನು ನೀಡಿ ನೋವನ್ನು ಕಡಿಮೆ ಮಾಡಬಹುದು. ಕಾಯ ಚಿಕಿತ್ಸೆಯಲ್ಲಿ ಪ್ಯಾರಾಫಿನ್ ಮಜ್ಜನದಿಂದ ನೋವನ್ನು ಕಡಿಮೆ ಮಾಡಬಹುದು. ಅವಗೆಂಪು ಕಿರಣಗಳನ್ನು ನಿರ್ದಿಷ್ಟ ಅಂಗಕ್ಕೆ ಒಡ್ಡಿ ನೋವನ್ನು ಶಮನಗೊಳಿಸಬಹುದು. ಇದು ದೇಹಕ್ಕೆ ಸ್ಥಳೀಯವಾಗಿ ನೀಡುವ ಚಿಕಿತ್ಸೆ. ಚಿಕಿತ್ಸೆಯ ಭಾಗವಾಗಿ ಕೃತಕ ವಿಧಾನಗಳಿಂದ ದೇಹದ ಉಷ್ಣತೆಯನ್ನು ಹೆಚ್ಚಿಸಬಹುದು. ವ್ಯಕ್ತಿ ಇರುವ ಪರಿಸರದ ಉಷ್ಣತೆಯನ್ನು ಹೆಚ್ಚಿಸುವುದರ ಮೂಲಕ ದೇಹಕ್ಕೆ ಚಿಕಿತ್ಸೆ ನೀಡಬಹುದು. ದೇಹ ಉಷ್ಣತೆ ಹೊರಹರಿಯ ದಂತೆ ಎಚ್ಚರ ವಹಿಸುವುದೂ ಉಷ್ಣಚಿಕಿತ್ಸೆ ವ್ಯಾಪ್ತಿಯಲ್ಲಿ ಬರುತ್ತದೆ

ಉಷ್ಣಜನನ

(ರ) ಉಚ್ಚ ಉಷ್ಣತೆಯ ಬಳಕೆಯಿಂದ ಆಗುವ ಉಷ್ಣೋತ್ಪಾದನೆ. (ಭೂವಿ) ಶಿಲಾಪಾಕ ಮತ್ತು ಅದರ ನಿಷ್ಪನ್ನಗಳ ಬಹಿಸ್ಸರಣ ಹಾಗೂ ಅಂತಸ್ಸರಣಗಳ ಪರಿಣಾಮ

ಉಷ್ಣತರಂಗ

(ಭೌ) ಕೆಂಪು ಬಣ್ಣದ ಅಲೆಯುದ್ದಕ್ಕಿಂತ ನೀಳ ಅಲೆಯುದ್ದವಿರುವ ವಿಕಿರಣ ಭಾಗ, ಬರಿಗಣ್ಣಿಗೆ ಅಗೋಚರ, ಇದು ಅವಗೆಂಪು ವಿಕಿರಣ. (ಸಾ) ಬೇಸಗೆಯಲ್ಲಿ ಬಿಸಿಲ ಝಳ ಅಸಹನೀಯವಾದಾಗ ಉಷ್ಣತರಂಗ ಬಡಿದಿದೆ ಎನ್ನಲಾಗುತ್ತದೆ

ಉಷ್ಣತಾಮಾಪಕ

(ಭೌ) ತಾಪಮಾಪಕ. ನೋಡಿ: ಥರ್ಮಾಮೀಟರ್

ಉಷ್ಣತೆ

(ಭೌ) ವಸ್ತುವಿನಲ್ಲಿಯ ಅಣು, ಪರಮಾಣು ಅಥವಾ ಅಯಾನ್‌ಗಳ ಚಲನ ಶಕ್ತಿ. (ಇದು ಉಷ್ಣ) ಮಟ್ಟದ ಸೂಚಕ. ಎರಡು ವಸ್ತುಗಳ ನಡುವೆ ಉಷ್ಣ ವರ್ಗಾವಣೆಯನ್ನು ನಿಯಂತ್ರಿಸುವ ಆಯಾ ವಸ್ತುವಿನ ಗುಣ ಅದರ ಉಷ್ಣತೆ: ಹೆಚ್ಚು ಉಷ್ಣತೆಯ ವಸ್ತುವಿನಿಂದ ಕಡಿಮೆ ಉಷ್ಣತೆಯದಕ್ಕೆ ಉಷ್ಣ ಹರಿಯುತ್ತದೆ. (ವೈ) ಆರೋಗ್ಯಸ್ಥಿತಿಯಲ್ಲಿರುವ ವ್ಯಕ್ತಿಯ ದೇಹೋಷ್ಣತೆ ಸುಮಾರು ೩೭0 ಸೆ. (೯೮.೪0 ಫ್ಯಾರನ್‌ಹೈಟ್)

ಉಷ್ಣದ ಪರಿಮಾಣ

(ಭೌ) ಉಷ್ಣಶಕ್ತಿಯ ಅಳತೆ : ಕ್ಯಾಲರಿ. ೧ ಗ್ರಾಮ್ ನೀರಿನ ಉಷ್ಣತೆಯನ್ನು ೧0 ಸೆ.ನಷ್ಟು ಏರಿಸಲು ಬೇಕಾಗುವ ಉಷ್ಣದ ಪರಿಮಾಣವೇ ಕ್ಯಾಲರಿ

ಉಷ್ಣದ ಯಾಂತ್ರಿಕ ಸಮಾನ

(ಭೌ) H ಏಕಮಾನಗಳಷ್ಟು ಉಷ್ಣಶಕ್ತಿಯು W ಏಕಮಾನಗಳಷ್ಟು ಯಾಂತ್ರಿಕ ಶಕ್ತಿಯಾಗಿ ಪೂರ್ಣ ಪರಿವರ್ತನೆಗೊಂಡರೆ ಆಗ W=jh. ಇಲ್ಲಿ j ಉಷ್ಣದ ಯಾಂತ್ರಿಕ ಸಮಾನ. ಇದೊಂದು ಸ್ಥಿರಾಂಕ = ೪.೧೮೫ ಜೂಲ್/ಕ್ಯಾಲರಿ

ಉಷ್ಣದೀಪ್ತಿ

(ಭೌ) ಯಾವುದೇ ಅಲೆಯುದ್ದದ ವಿಕಿರಣವನ್ನು ಹೀರಿಕೊಂಡ ಒಂದು ಪದಾರ್ಥ ಅದನ್ನು ಹ್ರಸ್ವತರ ವಿಕಿರಣವಾಗಿ ಉತ್ಸರ್ಜಿಸುವುದು

ಉಷ್ಣದ್ಯುತಿಮಾಪಕ

(optical pyrometer) (ಭೌ) ಕುಲುಮೆಗಳಲ್ಲಿನ ಅತಿ ಹೆಚ್ಚಿನ ಉಷ್ಣತೆಗಳನ್ನು ಅಳೆಯಲು ಬಳಸುವ ಉಪಕರಣ. ಉಷ್ಣ ವಿಕಿರಣದ ವರ್ಣವನ್ನು ಅಂದಾಜು ಮಾಡಿ (ಸಾಮಾನ್ಯವಾಗಿ ಕೆಂಪುಬಣ್ಣದ ತೀವ್ರತೆ) ಅಥವಾ ವಿಕಿರಣದ ವರ್ಣವನ್ನು ಪ್ರಜ್ವಲಿಸುವ ತಂತುವಿನ ವರ್ಣ ದೊಂದಿಗೆ ಹೋಲಿಸುವ ಮೂಲಕ ಅದು ಈ ಕಾರ್ಯ ಎಸಗುತ್ತದೆ

ಉಷ್ಣಧಾರಕತೆ

(ಭೌ) ವ್ಯವಸ್ಥೆಯ ಉಷ್ಣತೆಯನ್ನು ೧0ಸೆನಷ್ಟು ಹೆಚ್ಚಿಸಲು ಅವಶ್ಯವಾದ ಉಷ್ಣಶಕ್ತಿ. ಎಸ್‌ಐ ಏಕಮಾನ jk-1

ಉಷ್ಣಪಟ್ಟಿ

(ಭೂವಿ) ಪರ್ವತ ಪ್ರದೇಶದಲ್ಲಿ ಉನ್ನತಿ ಯೊಂದಿಗೆ ಸಂಭವಿಸುವ ಉಷ್ಣತಾ ವ್ಯತ್ಯಯದ ಪರಿಣಾಮವಾಗಿ ಸಸ್ಯ ಸಮುದಾಯದಲ್ಲಿ ಪ್ರಕಟವಾಗುವ ಕ್ಷಿತಿಜೀಯ ಮಾರ್ಪಡಿಕೆ. ಅಂದರೆ ಒಂದೊಂದು ಮಟ್ಟದಲ್ಲಿ ಗಿಡ ಮರಗಳ ಒಂದೊಂದು ಪಟ್ಟಿ ಬೆಳೆದಿರುತ್ತದೆ

ಉಷ್ಣಪಾರಕ

(ಭೌ) ಉಷ್ಣ (ವಿಕಿರಣ)ವನ್ನು ತನ್ನ ಮೂಲಕ ಹಾಯಗೊಡುವ. ಉಷ್ಣಭೇದ್ಯ. ಬೆಳಕಿನ ಪಾರಕತೆಗೆ ಸದೃಶವಾದ ಗುಣ

ಉಷ್ಣಬೈಜಿಕ ಕ್ರಿಯೆ

(ಭೌ) ಲಘು ಧಾತುಗಳು ಅತ್ಯುಚ್ಚ ಉಷ್ಣತೆಯಲ್ಲಿರುವ ಅನಿಲದ ವಿವಿಧ ಘಟಕಗಳಾಗಿರುವಾಗ ಅವುಗಳ ಬೀಜಗಳ ನಡುವೆ ಸಂಭವಿಸುವ ಬೈಜಿಕ ಸಂಲಯನ ಕ್ರಿಯೆ

ಉಷ್ಣಯುಗ್ಮ

(ಭೌ) ಉಷ್ಣ ವಿದ್ಯುತ್ ಸಾಧನ. ಇದರಲ್ಲಿ ಸದೃಶವಲ್ಲದ ಎರಡು ವಾಹಕಗಳಿವೆ. ಇವನ್ನು ಇವುಗಳ ಕೊನೆಗಳಲ್ಲಿ ಕೂಡಿಸಿದೆ. ಈ ಎರಡು ಕೂಡಿಕೆಗಳ ನಡುವೆ ಉಂಟಾಗುವ ಉಷ್ಣ ವಿದ್ಯುತ್ ವೋಲ್ಟೇಜ್ ಇವುಗಳ ಉಷ್ಣತಾ ವ್ಯತ್ಯಯಕ್ಕೆ ಅನುಪಾತೀಯವಾಗಿರುವುದು. ಹಾಗಾಗಿ ಒಂದು ಕೂಡಿಕೆಯನ್ನು ಗೊತ್ತಾದ ನಿರ್ದಿಷ್ಟ ಉಷ್ಣತೆಯಲ್ಲಿಟ್ಟು ಇನ್ನೊಂದರಲ್ಲಿಯ ಉಷ್ಣತೆಯನ್ನು ಅಳೆಯಬಹುದು

ಉಷ್ಣರಾಸಾಯನಿಕ

(ರ) ಉನ್ನತ ಉಷ್ಣತೆಯಲ್ಲಿ ರಾಸಾಯನಿಕ ಕ್ರಿಯೆ ಜರಗಿಸುವುದು

ಉಷ್ಣವಹನ

(ಭೌ) ವಸ್ತುವಿನಿಂದ ಪ್ರೇಷಿತ ವಾದ ಉಷ್ಣ ಪರಿಮಾಣವನ್ನು ಆ ವಸ್ತುವಿನ ಮೇಲ್ಮೈಗಳಲ್ಲಿಯ ಉಷ್ಣತಾ ವ್ಯತ್ಯಾಸದಿಂದ ಭಾಗಿಸಿದಾಗ ದೊರೆಯುವ ಲಬ್ಧ

Search Dictionaries

Loading Results

Follow Us :   
  Download Bharatavani App
  Bharatavani Windows App