भारतीय भाषाओं द्वारा ज्ञान

Knowledge through Indian Languages

Dictionary

Navakarnataka Vijnana Tantrajnana Padasampada (2011)

Navakarnataka Publications Private Limited

ಇರುವೆ ಸಿಂಹ

(ಪ್ರಾ) ನ್ಯೂರಾಪ್ಟರ ಗಣಕ್ಕೆ ಸೇರಿದ ಯಾವುದೇ ಕೀಟ; ಶುಷ್ಕ ನೆಲವಾಸಿ. ಇರುವೆ ಸಿಂಗ, ಪಿಪೀಲಿಕಾ ಸಿಂಹ

ಇರುಳುಕುರುಡು

(ವೈ) ವೈಟಮಿನ್ ಎ ಕೊರತೆ ಯಿಂದಾಗಿ ಅಥವಾ ಅಕ್ಷಿಪಟ ದೋಷದಿಂದಾಗಿ ಉಂಟಾಗುವ ದೃಷ್ಟಿಮಾಂದ್ಯ (ಕತ್ತಲೆಯಲ್ಲಿ ವಸ್ತುಗಳನ್ನು ನೋಡಲು ಅತಿ ಕಷ್ಟವಾಗುವುದು). ನೋಡಿ : ನಿಕ್ಟಲೋಪಿಯ

ಇರೆಪ್ಸಿನ್

(ರ) ಕರುಳಿನ ರಸಗಳಲ್ಲಿ ಸಂಗ್ರಹವಾಗುವ ಪೆಪ್ಟಿಡಾಸ್ ಕಿಣ್ವಗಳ ಹಳೆಯ ಹೆಸರು

ಇಲಾಸ್ಟಿನ್

(ಪ್ರಾ) ಕಶೇರುಕಗಳ ಸಂಯೋಜಕ ಊತಕ ಗಳಲ್ಲಿರುವ ತಂತು ರಚನೆಯ ಪ್ರೋಟೀನ್

ಇಲಾಸ್ಟೋಮರ್

(ರ) ರಬ್ಬರಿನಂತೆ ಸ್ಥಿತಿಸ್ಥಾಪಕ ಗುಣ ಗಳಿರುವ ವಸ್ತು. ಸಾಧಾರಣವಾಗಿ ಸಂಶ್ಲೇಷಿತ. ಕೊಠಡಿ ಉಷ್ಣತೆ ಯಲ್ಲಿ ಎರಡರಷ್ಟು ಉದ್ದಕ್ಕೆ ಎಳೆಯಬಹುದು. ಬಿಟ್ಟಾಗ ಸರಿ ಸುಮಾರು ಮೂಲ ಉದ್ದಕ್ಕೇ ಮರಳುತ್ತದೆ. ಐಸೊಪ್ರಿನ್, ಬ್ಯೂಟ ಡಯಿನ್ ಮೊದಲಾದವುಗಳಿಂದ ತಯಾರಿಸಿದ ಕೃತಕ ಪ್ಲಾಸ್ಟಿಕ್

ಇಲಿ

(ಪ್ರಾ) ಮುರಿಡೀ, ಹೆಟೆರೊಮಿಯಿಡೀ, ಕ್ರಿಸೆಟಿಡೀ ಮತ್ತು ಜಪೊಡಿಡೀ ಕುಟುಂಬ ಗಳಿಗೆ ಸೇರಿದ ನಾನಾ ದಂಶಕ ಪ್ರಾಣಿ ಪ್ರಭೇದಗಳಲ್ಲೊಂದು. ಚೂಪು ಮೂತಿ, ಚಿಕ್ಕ ಕಿವಿ ಗಳು, ಉದ್ದವೂ ನೀಳವೂ ಆದ ಅಲ್ಪಸ್ವಲ್ಪ ಕೂದಲಿನ ಬಾಲವುಳ್ಳ ಲಂಬಿತ ಕಾಯ ಇದರ ವಿಶಿಷ್ಟ ಲಕ್ಷಣ ಗಳು. ನೆಲಜೀವಿ. ಇಲಿ ಇರದ ಊರಿಲ್ಲ. ಮೂಷಿಕ. ನೋಡಿ: ಹೆಗ್ಗಣ

ಇಲಿಯಮ್

(ಪ್ರಾ) ಕಶೇರುಕಗಳಲ್ಲಿ ಸೊಂಟದ ಬಳಿ ಇರುವ ಎಲುಬು. ವಸ್ತಿಕುಹರದ ಬಲ ಅಥವಾ ಎಡ ಅರ್ಧವನ್ನು ರೂಪಿಸುವ ಮೂರು ಎಲುಬುಗಳಲ್ಲಿ ಹಿಂದಿನ ಮೇಲು ಎಲುಬು. ರೊಂಡಿ ಎಲುಬು

ಇಲಿಯಾಕಸ್

(ವೈ) ಟೊಂಕದಿಂದ ತೊಡೆಯವರೆಗೆ ವಿಸ್ತರಿಸಿರುವ ಸ್ನಾಯು. ಶರೀರದ ತಳಭಾಗವನ್ನು ಮುಂದಕ್ಕೆ ಬಾಗಿಸಲು ಸಹಾಯಕ

ಇಲಿಯಾಕ್ ಸೂಚ್ಯಂಕ

(ವೈ) ಸೊಂಟದ ಹಾಗೂ ಬೆನ್ನಿನ ಮೂಳೆಗಳ ನಡುವಿನ ಅಂತರಗಳನ್ನು ಆಧರಿಸಿ ಮಾನವ ಜೀವಿ ವಿಜ್ಞಾನದಲ್ಲಿ ಗೊತ್ತುಪಡಿಸಿರುವ ಸೂಚ್ಯಂಕ

ಇಲೆಕ್ಟ್ರಾನ್

(ಭೌ) ನೋಡಿ: ಎಲೆಕ್ಟ್ರಾನ್

ಇಲ್ಮೆನೈಟ್

(ಭೂವಿ) ತ್ರಿನತೀಯ ವ್ಯವಸ್ಥೆಯಲ್ಲಿ ಸ್ಫಟಿಕೀಕರಿಸುವ ಕಬ್ಬಿಣ ಮತ್ತು ಟೈಟೇನಿಯಮ್‌ಗಳ ಆಕ್ಸೈಡ್. FeTiO3 ಟೈಟೇನಿಯಮ್‌ನ ಪ್ರಧಾನ ಅಪಾರಕ ಖನಿಜ. ಸಾಸಾಂ ೪.೫-೫. ಕಾಠಿಣ್ಯಾಂಕ ೫-೬. ಬಣ್ಣ ಕಪ್ಪು ಅಥವಾ ಕಂದು-ಕೆಂಪು. ರೂಟೈಲ್ ಸಮರೂಪಿ. ಅಗ್ನಿಶಿಲೆ ರೂಪಾಂತರಿತ ಶಿಲೆಗಳಲ್ಲಿ ಆನುಷಂಗಿಕ ಖನಿಜ ವಾಗಿಯೂ ಜಲಜಶಿಲೆಗಳಲ್ಲಿ ಮತ್ತು ಕಡಲ ತೀರ ಮರಳಿನಲ್ಲಿ ವ್ಯಾಪಕವಾಗಿಯೂ ಲಭ್ಯ. ಆಕ್ಸಿಡೀಕರಣದಿಂದ ಲ್ಯೂಕಾಕ್ಸಿನ್ ಆಗಿ ಪರಿವರ್ತನೆಗೊಳ್ಳುತ್ತದೆ. ರಷ್ಯದ ಉರಾಲ್ ಪರ್ವತಗಳಲ್ಲೂ ಭಾರತದ ಕೇರಳ, ತಮಿಳುನಾಡು, ಆಂಧ್ರಪ್ರದೇಶ, ಒರಿಸ್ಸಾ ಮತ್ತು ಮಹಾರಾಷ್ಟ್ರಗಳಲ್ಲೂ ನಿಕ್ಷೇಪಗಳು ದೊರೆಯುತ್ತವೆ. ಕೃತಕ ರೂಟೈಲ್, ಟೈಟಾನಿಯಮ್ ಡೈ ಆಕ್ಸೈಡ್, ಟೈಟಾನಿಯಮ್ ಲೋಹ ಉತ್ಪಾದನೆಯಲ್ಲಿ ಬಳಕೆ

ಇಸಬು

(ವೈ) ಒಂದು ಬಗೆಯ ಚರ್ಮ ರೋಗ. ನವೆ/ತುರಿಕೆ ಇದರ ಮುಖ್ಯ ಲಕ್ಷಣ. ಇದರಲ್ಲಿ ಎರಡು ಬಗೆ; ಒಣ, ಆರ್ದ್ರ. ಇಸುಬು ತಾಗಿದ ಭಾಗದಲ್ಲಿ ಚರ್ಮ ಕೆಂಪಗಾಗಿ, ಮಂದವಾಗಿ, ದೊರಗಾಗಿ, ಅದರಿಂದ ದ್ರವ ಒಸರುವುದುಂಟು

ಇಳಿಜಾರು

(ಭೂವಿ) ಪ್ರಬಲ ಸ್ತರಭಂಗದಿಂದಾದ ಭೂಸರಿತ

ಇಳಿದಾಣ

(ತಂ) ಯಾನ ಪೂರ್ಣಗೊಳಿಸಿದ ಅನಂತರ ವಿಮಾನಗಳು ನೆಲಕ್ಕಿಳಿಯುವ ನಿಗದಿತ ಸ್ಥಳ ಅಥವಾ ಹಡಗುಗಳು ದಡ ಸೇರುವ ಜಾಗ

ಇಳಿನೀರು

(ಭೂ) ಉಬ್ಬರವಿಳಿತದಲ್ಲಿ ಅತ್ಯಂತ ಕೆಳಮಟ್ಟದ ನೀರು. ನೋಡಿ: ಉಬ್ಬರವಿಳಿತಗಳು

ಇಳಿಯೆಣಿಕೆ

(ತಂ) ರಾಕೆಟ್ ಉಡಾವಣೆ, ಪ್ರಾಯೋಗಿಕ ಬಾಂಬ್ ಆಸ್ಫೋಟನೆ ಮುಂತಾದವನ್ನು ಕ್ಲುಪ್ತ ಕ್ಷಣದಲ್ಲಿ ನಿರ್ವಹಿಸುವ ಸಲುವಾಗಿ ಕಾಲವನ್ನು ಹಿಂದಕ್ಕೆ ಎಣಿಸುವುದು: ೪,೩,೨,೧,೦ ಸೊನ್ನೆ ಎನ್ನುವಾಗ ಆ ಘಟನೆ ಸಂಭವಿಸತಕ್ಕದ್ದು. ಕ್ಷಣಗಣನೆ

Search Dictionaries

Loading Results

Follow Us :   
  Download Bharatavani App
  Bharatavani Windows App