Navakarnataka Vijnana Tantrajnana Padasampada (2011)
Navakarnataka Publications Private Limited
ಅಚ್ಚೊತ್ತು
(ಜೀ) ಜೀವಿಗಳಲ್ಲಿ ಒಂದು ನಿರ್ದಿಷ್ಟ ಅವಧಿಯಲ್ಲಿ ಪ್ರಕಟಗೊಳ್ಳುವ ಮುದ್ರಿತ ಭಾವನೆ ಅಥವಾ ನಡವಳಿಕೆ. ಈ ಅವಧಿಯನ್ನು ಸಂಕ್ರಮಣ ಕಾಲ ಎಂದು ಕರೆಯಬಹುದು. ಈ ಸಂಕ್ರಮಣವು ಕಾಲದಲ್ಲಿ ಪ್ರಭೇದದಿಂದ ಪ್ರಭೇದಕ್ಕೆ ಭಿನ್ನ. ನಡವಳಿಕೆಯೂ ವಿಶಿಷ್ಟ. ಉದಾ: ಬಾತುಕೋಳಿಯ ಮರಿಗಳು ಹುಟ್ಟಿದ ಕೆಲವು ಗಂಟೆಗಳಲ್ಲೇ ಯಾವುದೇ ಚಲಿಸುವ ವಸ್ತುವಿನ ಹಿಂದೆ ಹೋಗಲಾರಂಭಿಸುವುದು
ಅಚ್ಚೊತ್ತು
(ತಂ) ಅದಿರು ಮೊದಲಾದವನ್ನು ಪುಡಿ ಮಾಡಲು ಉಪಯೋಗಿಸುವ ಒನಕೆಯಂಥ ವಿದ್ಯುಚ್ಚಾಲಿತ ಸಾಧನ
ಅಜಮಾಸು
(ಗ) ನೋಡಿ: ಸನ್ನಿಹಿತ
ಅಜೀರ್ಣ
(ವೈ) ಸಹಜ ಪಚನಕ್ರಿಯೆಗಳಿಗೆ ಅಡ್ಡಿವುಂಟಾದ ಸಂದರ್ಭಗಳಲ್ಲಿ ಉದರದಲ್ಲಿ ತಲೆದೋರುವ ಅಸೌಖ್ಯ ಸ್ಥಿತಿ
ಅಜುರೈಟ್
(ಭೂವಿ) ತಾಮ್ರದ ಒಂದು ಅದಿರು; ತಾಮ್ರದ ಗಾಢ ನೀಲಿ ವರ್ಣದ ಜಲಯುಕ್ತ ಪ್ರತ್ಯಾಮ್ಲೀಯ ಕಾರ್ಬನೇಟ್; 2CuCO3,Cu(OH)2; ಚೆನ್ನಾಗಿ ರೂಪುಗೊಂಡ ಸ್ಫಟಿಕಗಳಾಗಿ ಇಲ್ಲವೇ ರಾಶಿ ರಾಶಿಯಾಗಿ ನೆಲದಲ್ಲಿ ಲಭ್ಯ
ಅಂಜೂರ
(Ficus carica) (ಸ) ಮೊರೇಸೀ ಕುಟುಂಬಕ್ಕೆ ಸೇರಿದ ಮರ. ಏಷ್ಯ ಮೈನರ್ ನಲ್ಲಿರುವ ಕ್ಯಾರಿಕ ಇದರ ತವರು. ಇದರ ಹಣ್ಣುಗಳಲ್ಲಿ ಅನೇಕ ಪೋಷಕಾಂಶಗಳಿವೆ. ಹಣ್ಣಿನಲ್ಲಿ ಶೇ. ೮೪ ಭಾಗ ತಿರುಳು. ಕಬ್ಬಿಣ, ತಾಮ್ರ ಮತ್ತು ಎ,ಬಿ,ಸಿ,ಡಿ ವೈಟಮಿನ್‌ಗಳು ಹೇರಳವಾಗಿವೆ
ಅಜೈಡ್
(ರ) -N3 ಗುಂಪನ್ನೊಳಗೊಂಡ ಸಂಯುಕ್ತ; ಸ್ಫೋಟಕಗಳಲ್ಲಿ ಉಪಯೋಗ. ಉದಾ: ಸೋಡಿಯಮ್ ಅಜೈಡ್ NaN3
ಅಜೈವಿಕ
(ಸ) ಅಜೀವ ವಸ್ತುಗಳಿಗೆ ಸಂಬಂಧಿಸಿದ. ವಿಶೇಷ ವಾಗಿ ಮಣ್ಣು, ನೀರು, ಗಾಳಿಯನ್ನು ಕುರಿತಂತೆ ಬಳಸುವ ಪದ
ಅಜೈವಿಕ ಜನನ
(ಜೀ) ಅಜೀವ ವಸ್ತುಗಳಿಂದ ಜೀವಿಗಳು ಹುಟ್ಟುವುದು. ಸ್ವಯಂಜೀವೋತ್ಪತ್ತಿ
ಅಜೋ ವರ್ಣದ್ರವ್ಯಗಳು
(ರ) ಅಜೋಬೆನ್ಝೀನ್‌ನ ವ್ಯುತ್ಪನ್ನಗಳು. ಸಾಮಾನ್ಯವಾಗಿ ಹಳದಿ, ಕೆಂಪು ಅಥವಾ ಕಂದು ಬಣ್ಣದವು. ಆಮ್ಲೀಯ/ಪ್ರತ್ಯಾಮ್ಲೀಯ ಗುಣಗಳಿಂದ ಕೂಡಿರುತ್ತವೆ
ಅಜ್ಞೇಯತೆ
(ವೈ) ಸಂವೇದನಾನುಭವ ನಷ್ಟ. ವಸ್ತುವಿನ ಸ್ವರೂಪವನ್ನು ಶರೀರದ ಇಂದ್ರಿಯಗಳ ಮೂಲಕ ಗುರುತು ಹಿಡಿಯುವ ಸಾಮರ್ಥ್ಯ ನಷ್ಟ. ಅನಭಿಜ್ಞತೆ
ಅಂಟು ತುದಿಗಳು
(ವೈ) ನಿರ್ಬಂಧಿತ ಕಿಣ್ವಗಳಿಂದ ತುಂಡರಿಸಿದ ಡಿಎನ್‌ಎ ಅಣುವಿನ ಅಂಟು ತುದಿ. ಇಂತಹ ತುದಿಗಳನ್ನು ಅದೇ ನಿರ್ಬಂಧಿತ ಕಿಣ್ವ ಬಳಸಿ ತುಂಡರಿಸಿದ
ಅಂಟುತುರಿ
(ವೈ) ಸ್ಟಫೈಲೊಕಾಕೈ ಅಥವಾ ಸ್ಟ್ರಪ್ಟೋಕಾಕೈ ಬ್ಯಾಕ್ಟೀರಿಯಾಗಳಿಂದ ತಲೆದೋರುವ ಚರ್ಮದ ಮೇಲೆ ಕೀವುಗುಳ್ಳೆ ರೂಪದ ತೀವ್ರ ಸೋಂಕು. ಆರಂಭದಲ್ಲಿ ನೀರು ತುಂಬಿದ ಗುಳ್ಳೆಗಳಿದ್ದು, ಅನಂತರ ಅವು ಒಡೆದು ಹಳದಿ ಬಣ್ಣದ ಹೆಪ್ಪಳಿಕೆಗಟ್ಟುತ್ತವೆ. ಇದು ಸಾಮಾನ್ಯವಾಗಿ ಮುಖ ಮತ್ತು ಕೈಗಳಲ್ಲಿ ಹೆಚ್ಚು ಕಂಡುಬರುತ್ತದೆ. ಇಂಪೆಟಿಗೊ
ಅಂಟುಪ್ಲಾಸ್ತ್ರಿ
(ವೈ) ಒಂದು ಪಕ್ಕದಲ್ಲಿ ಅಂಟು ಲೇಪಿಸಿರುವ ಹತ್ತಿ, ಕಾಗದ, ಪ್ಲಾಸ್ಟಿಕ್ ಪಟ್ಟಿ; ಗಾಯದ ಮೇಲೆ ಅಂಟಿಸಲು ಇಲ್ಲವೇ ಅದಕ್ಕೆ ಕಟ್ಟಿದ ಪಟ್ಟಿಯನ್ನು ಆ ಸ್ಥಳದಲ್ಲಿ ಬಿಗಿಯಾಗಿ ಹಿಡಿದಿಡಲು ಬಳಸುವ ಬಂಧಕ. ಆಸಂಜನ ಬಂಧಕ, ಅಂಟುಪಟ್ಟಿ
ಅಂಟುರೋಗ
(ವೈ) ಗಾಳಿ, ನೀರು ಮೊದಲಾದವುಗಳಿಂದ ಯಾವುದೇ ವ್ಯಕ್ತಿಯ ಶರೀರ ಹೊಕ್ಕು ಅನಂತರ ವ್ಯಕ್ತಿಯಿಂದ ವ್ಯಕ್ತಿಗೆ ಸುಲಭವಾಗಿ ಹರಡುತ್ತ ಹೋಗುವ ರೋಗ. ಸಾಂಕ್ರಾಮಿಕ ರೋಗ
ಅಟ್ರೊಪೀನ್
(ವೈ) ಅಟ್ರೋಪ ಬೆಲ್ಲಡೊನ್ನ ಎಂಬ ಸಸ್ಯದಲ್ಲಿರುವ, ಡಿಎಲ್-ಟ್ರೋಪಿಲ್ ಟ್ರೋಪೇಟ್, ಟ್ರೋಪಿನ್ ಟ್ರೋಪೇಟ್ ಎಂಬ ಪರ್ಯಾಯ ನಾಮಧೇಯವುಳ್ಳ ಆಲ್ಕಲಾಯ್ಡ್. ಇದರ ರಾಸಾಯನಿಕ ಸಂಯೋಜನೆ C17H23NO7. ಇದು ಕಣ್ಣಿನ ಕನೀನಿಕೆಯನ್ನು ಹಿಗ್ಗಿಸಿ, ಕೇಂದ್ರ ನರಮಂಡಲದ ಮೇಲೆ ಶಾಮಕ ಪರಿಣಾಮವನ್ನು ಬೀರಿ, ಶ್ವಾಸನಾಳಗಳಲ್ಲಿನ ಸ್ರಾವವನ್ನು ಕುಗ್ಗಿಸಿ, ಹೃದಯ ಗತಿಯನ್ನು ಹೆಚ್ಚಿಸುವುದರಿಂದ ಶಸ್ತ್ರಕ್ರಿಯೆಯನ್ನು ಮಾಡುವ ಮೊದಲು ಅರಿವಳಿಕೆ ನೀಡುವ ಮುನ್ನ ಇದನ್ನು ಚುಚ್ಚುಮದ್ದಿನ ರೂಪದಲ್ಲಿ ನೀಡುತ್ತಾರೆ
ಅಟ್ಲಾಸ್
(ಪ್ರಾ) ತಲೆಗೆ ಆಧಾರವಾಗಿದ್ದು ಬೆನ್ನುಮೂಳೆಯ ಅಗ್ರದಲ್ಲಿರುವ ಮೂಳೆ. ಕಶೇರುವಿನ ಅಗ್ರಾಸ್ಥಿ. (ಭೂ) ಭೂಪಟ ಗಳನ್ನು ಒಳಗೊಂಡಿರುವ ಪುಸ್ತಕ, ಭೂಪಟ ಪುಸ್ತಕ
ಅಂಡ
(ಜೀ) ಅಂಡಕದಿಂದ ಮೈಯೋಸಿಸ್ (ಅರೆ ವಿದಳನ) ಮೂಲಕ ಉತ್ಪತ್ತಿಯಾದ ಸ್ತ್ರೀಯುಗ್ಮಕ. ಪುಲ್ಲಿಂಗ ಕೋಶಕ್ಕೆ ಹೋಲಿಸಿದರೆ ದೊಡ್ಡ ಗಾತ್ರದ ಮತ್ತು ಚಲನೆ ಇರದ ಸ್ತ್ರೀಲಿಂಗ ಕೋಶ. ಪುಲ್ಲಿಂಗ ಕೋಶದೊಂದಿಗೆ ಕೂಡಿದ ಅನಂತರ ಹೊಸ ಜೀವಿಯಾಗಿ ಅಭಿವರ್ಧಿಸುವ ಗುಣವುಳ್ಳದ್ದು. ಗೋಳಾಕಾರ. ವೈಟಲೀನ್ (ಪೀತಕ) ಪೊರೆಯಿಂದ (ಭ್ರೂಣಾವರಣ) ಆವೃತವಾಗಿರುವುದು. ಅಂಡಕೋಶ
ಅಂಡಕ
(ಜೀ) ಬೀಜಸಸ್ಯಗಳಲ್ಲಿ ಶಲಾಕೆಗೆ ಲಗತ್ತಾಗಿರುವ ಒಂದು ರಚನೆ. ಇದರೊಳಗೆ ಸ್ತ್ರೀಕೋಶವಿರುವುದು. ಫಲೀಕರಣಾ ನಂತರ ಈ ಕೋಶ ಬೀಜವಾಗುವುದು. (ಪ್ರಾ) ಅಭಿವರ್ಧನೆಯ ಆರಂಭ ಘಟ್ಟಗಳಲ್ಲಿರುವ ಅಂಡ ಅಥವಾ ಬೀಜ
ಅಡಕ